Tesla автопилотининг навбатдаги версияси тўлиқ автоном бўлиши мумкин
Ярим автоном Autopilot тизими дастурий таъминотнинг янгиланиши натижасида янада такомиллашиши кўпчиликка маълум. Tesla Autopilot 2.0 версияси учун кенг кўламли дастурий янгиланишни режалаштирган. У камера ва датчиклардаги ўзгаришларни қамраб олиб, қўшимча тарзда тўлиқ автономликни ҳам тақдим этиши кутилмоқда.
Агар компания бош ижрочи директори Элон Маскнинг 2019 йилда тўлиқ автономликни таъминлаш ҳақидаги режаларини амалга оширмоқчи бўлса, унда автомобилдаги ҳар бир технологиянинг аппарат қисмини ривожлантириши талаб қилинади.
Tesla 2014 йилда илк маротаба ярим автоном автопилотни намойиш қилган эди. Ўша вақтда чиққан моделлар олд камера ва 360 градусда ишлайдиган ультратовуш датчикли радар билан жиҳозланган эди. Компанияга тегишли операцион тизимнинг еттинчи версиясида эса рулни ушлаш ва паркингга жавоб берадиган Autosteer ва Autopark функциялари пайдо бўлди.