"Тесла" барчага рақиб

Уч йил олдин биз Тесла электр седани тўғри чизиқли пойгада қандай ютгани ва ютқазганини кўрдик. Бугун Tesla Models S дрэг-стрип (қисқа масофага пойга) бўйича дунёнинг турли бурчакларида зафар қучмоқда. Tesla Models S Mercedes-AMG E 63 S ва Audi RS6 performance каби учқурларни чангида қолдиряпти. Келинг, америкалик электрокар яна қайси машиналарни пойгада ютганини эслайлик. Тўғри, ҳар доим ҳам ютди, деёлмаймиз.

Tesla Model S уч баҳодирга қарши

Британиянинг Carwow нашри “Тесла”га Mercedes-AMG E 63 S ва Audi RS6 performance универсаллари ва BMW M760Li xDrive седанини қарши қўйди. Merceded-AMG ва Audi тўрт литрли твин турбо V8 моторлар билан жиҳозланган. Улар мос равишда 612 ва 605 от кучига эга. Седаннинг BMW 6,6 литрли V12 двигатели 610 от кучига эга эди.

Tesla Model S “Макларен”га қарши

Youtubeдаги Dragtimes канали Tesla Model S P100D Ludicrous ва Mclaren 720Sларнинг беллашувини ташкил қилди. Орқа ғилдираклари тортадиган суперкарнинг 4 литрли двигатели қуввати 720 от кучига тенг. 100 км/соат тезликка 2.9 сонияда чиқади. Чорак милдаги паккага “Макларен” 10.3 сонияда етиб борди. Model S P100D электромоторининг қуввати 592 от кучига тенг бўлиб 96 км/соат тезликка эриши учун учун 2.5 сония вақт сарфлайди. Аммо натижа мақталган электромобиль ҳисобига бўлмади. Бензин электрдан кучли чиқди.

Tesla Model S ўн бир ҳужумчига қарши

Сентябрнинг охирида Американинг Motortrend нашри “Дунёдаги энг машҳур дрег пойга”ни ташкил қилди. Унда ўн иккита автомобиль қатнашди: Alfa Romeo Giulia Quadrifolio, Aston Martin DB11, Chevrolet Camaro ZL1 1LE, Chevrolet Corvette Grand Sport, Ferrari 488 GTB, Lexus LC500, McLaren 570GT, Mercedes Benz AMG GT R, Nissan GT-R Nismo, Porsche 718 Cayman S, Porsche 911 Turbo S ва ўша ўзимизнинг Tesla Model S P100D электрокари. Пойга Ванденберг ҳарбий ҳаво базаси ҳудудида бўлиб ўтди. Тесла чорак милни 10.5 сонияда босиб ўтиб, энг юқори тезлиги 201 км/соатни ташкил қилди.

Tesla Model S минг отга қарши

2017 йилнинг июлида Model Sнинг энг кучли версияси дрегда минг от кучли Toyota Supraга қарши курашди. Пойгада электрокар ютди. Ташкилотчилар Теслада оддий шина, Supraда эса слик (теп-текис шина) эканини таъкидлашди.

Tesla Model S Америка маслкарига қарши.

Бу “Тесла”нинг энг шиддатли ғалабаси бўлса керак. Электрокарнинг рақиби Dodge Challenger Hellcat пойгани, ҳатто, бошлашга улгурмади. 3,5 сонияда 96 тезликка чиқадиган Dodge дифференциалидан айрилди. “Тесла” техник нокаут билан ғалабага эришди.