Tesla компанияси Model S электрокарининг иккита арзонроқ версиясини тақдим этди

Tesla автоконцерни Model S электрокарининг иккита — S 60 ва 60D версияларини намойиш этди, деб ёзади Daryo.Uz «Ведомости»га асосланиб.

Автомобилга 60 киловатт-соатлик аккумулятор ўрнатилган, машинанинг барча ғилдираклари етакловчидир. Model S 60 нархи 66 минг доллар, Model S 60D’ники 71 минг долларга тенг. Автомобилнинг максимал тезлиги соатига 210 километргача бўлиб, аккумуляторнинг тўлиқ заряди 415 километрга етади.

Эслатиб ўтамиз, апрель ойида Tesla энг арзон электрокар — Tesla Model 3’ни тақдим этган эди. Унинг нархи 35 минг долларга тенг. Аммо илк автомобиллар 2017 йилдагина сотувга чиқади.