Тошкент ИИББ ҳайдовчиларни эҳтиёткорликка чақиради

Тошкент шаҳар ички ишлар бош бошқармаси ҳайдовчилар ва транспорт воситалари эгаларини автомобилларини қаровсиз қолдирмасликка ҳамда автомобили билан йўлга чиқишдан аввал давлат рақамлари бор-йўқлигига ишонч ҳосил қилишга чақиради, деб ёзади Kun.uz.

Гап шундаки, сўнгги вақтларда, Тошкент шаҳрида автомобил давлат рақамлари йўқолиши ва уларнинг йўлларда тушиб қолиш ҳолатлари кўпайган. Қисқа вақт ичида 16та шундай ҳолат қайд қилинган. Бу ҳақда шаҳар ИИББда ўтказилган матбуот брифингида маълум қилинди.

Давлат рақамлари баъзи ҳолларда яхшилаб қотирилмагани сабаб йўлларда тушиб қолаётган бўлса, айрим ҳолларда ғаразли мақсадларда ўғирлаш ҳолатлари ҳам кузатилмоқда.