Тошкент вилоятидаги энг хавфли ҳудудлар тўғрисида маълумотлар берилди

Фавқулодда вазиятлар вазирлиги Тошкент вилоятидаги айрим хавфли ҳудудлар ва ҳаракатланиш йўллари ҳақида маълумот берди.

Sof.uz‘нинг ёзишича, Тошкент вилояти Бўстонлиқ тумани 4Р-10 «Чорвоқ сув омбори айланма йўли» автомобил йўлининг “Боғистон” ва “Нанай” қишлоқлари оралиғида кўчки хавфи мавжудлиги сабабли, йўлнинг шу қисмида ҳаракат вақтинча тақиқланган.

Шу боис 4Р-10 “Чорвоқ сув омбори айланма йўли» автомобил йўли билан “Боғистон” қишлоғига “Юсуфхона” ва “Бурчмулла” қишлоқлари орқали ҳамда “Нанай” қишлоғига эса “Сижжак” қишлоғи орқали бориш тавсия этилади.

Тошкент вилояти Бўстонлиқ тумани “Ғазалкент-Чимён” автомобил йўлининг 69-70 км.лари оралиғида таъмирлаш-тиклаш ишлари олиб борилаётгани сабабли, “Чимён” қишлоғига бориш учун 4Р-12 “Тошкент-Чорвоқ-Чимён” айланма йўлидан фойдаланиш тавсия этилади.