Тошкент ЙҲХБ янги рўйхатдан ўтказиш ва имтиҳон олиш бўлинмасини очди

Тошкент ЙҲХБ янги рўйхатдан ўтказиш ва имтиҳон олиш бўлинмасини очди

12 мартдан Тошкент ИИББ ЙҲХБ рўйхатдан ўтказиш ва имтиҳон олиш бўлим ва барча бўлинмаларида ҳафтанинг душанба кунлари иш куни қилиб белгиланди. Пойтахт ИИББдан хабар қилинишича, бундай қарор фуқароларга қулайлик яратиш ва навбатларни қисқартириш мақсадида қабул қилинди.

Мирзо Улуғбек тумани аҳолисига хизмат кўрсатиш учун янги 4-сонли туманлараро рўйхатдан ўтказиш ва имтиҳон олиш бўлинмаси очилмоқда. У Миробод тумани Водил кўчаси 54-уй манзилида жойлашган.

Яккасарой тумани аҳолисига эндиликда 1-сонли туманлараро рўйхатдан ўтказиш ва имтиҳон олиш бўлинмаси хизмат кўрсатади. Мазкур бўлинма Сергели автомобиль бозорида жойлашган. Чилонзор туманидаги 3-сонли бўлинма эса таъмирлаш ишлари олиб борилаётгани муносабати билан 19 мартдан ҳар душанба кунлари фаолият кўрсатади.

Бундан ташқари, барча бўлим ва бўлинмаларда қўшимча равишда жамғарма кассалари дарчалари очилди. Транспорт воситалари агрегат рақамларини солиштириш масканида катта навбатларни бартараф этиш мақсадида қўшимча ходим ва воситалар жалб этилди. Фуқароларнинг ҳайдовчилик гувоҳномаларини янги намунадаги миллий ҳайдовчилик гувоҳномаларига алмаштириш учун қўшимча хоналар ташкил этилди.

Сайт янгиликларидан доимий хабардор бўлиш учун Телеграм каналимизга қўшилинг!

Саид Мамуров

Carzone.uz'нинг сермаҳсул ёзувчиларидан. Ўзи ҳақида гапиришни ёқтирмайди. Ҳаваскор, лекин ашаддий автомобиль ишқибози.