Тошкент йўл хизмати янги йўллар қуришни қайта бошлади

Пойтахт йўл хизмати Тараққиёт кўчасидан Оҳангарон шоссесига қадар узунлиги 3 км келадиган янги йўлни қуриш ишларини якунлаш арафасида турибди. Фақатгина асфальт ётқизиш, йўл учун зарур бўлган коммуникация ўтказиш ва ёритиш мосламаларини ўрнатиш, шунингдек, трамвай линиясини “Ташсельмаш” бекатидан кенгайтириш ишлари қолди.

Трамвай линияси “Роҳат” доираси ҳамда “Тошкент” темир йўл вокзалини ўзаро боғлаб туради. Янги йўллар қуриш бўйича умумий ишлар ўтган йилнинг сентябрь-октябрь ойида якунланган эди.

Бу ишлар билан параллель равишда Мирзо-Улуғбек шоҳ кўчасида (“Тошсельмаш” бекатидан “Шастри” чорраҳасига қадар) таъмирлаш ишлари олиб борилмоқда. Яқинда бу ерга асфальт ётқизилади, йўл 10 метрга кенгайиб, 8 йўлакдан иборат бўлади.

Манба: Kun.uz