Тошкентда қурилиш: Беруний кўчасининг Ғунчадан Алоқа даҳасигача бўлган бўлаги қайтадан асфальтланмоқда (Фото)

Тошкентдаги Беруний кўчасининг Ғунча ва Алоқа даҳалари оралиғидаги қисми янгидан асфальтланмоқда. Бу ҳақда Facebook’даги «Водители Ташкента (Drivers.uz)» гуруҳида фотохабар қолдирилган, деб Daryo.Uz ёзмоқда.

Қайд этилган оралиқда нафақат асфальт янгиланмоқда, балки ёриткичлар ҳам таъмирланмоқда, автомобиллар эса вақтинча қарама-қарши қатнов қисмида ҳаракатланмоқда.

Бундан ташқари, хабар беришларича, Нурафшон кўчасидан Беруний кўчасига кириш йўллари вақтинча ёпилган.