Тошкентда қурилиш: Бир қатнов томони етти ҳаракатланиш бўлагидан иборат Муқимий кўчаси (Фото)

Тошкентдаги учинчи ҳалқа йўлининг бир қисмига айланаётган Муқимий кўчасида сўнгги қурилиш-таъмирлаш ишлари олиб борилмоқда. Facebook’да Муқимий — Бунёдкор кўчалари чорраҳасидан олинган янги фотосуратлар эълон қилинди.

Йўлнинг Чилонзор Оқтепа майдонидан «Новза» метро бекатига қадар бўлган қисми тўлиқ қайта асфальтланган, йўлнинг метро бекат яқинидаги қисмига йўл чизиқлари ҳам чизиб бўлинган. Мазкур йўл транспорт қатнови учун ҳозирча ёпиқ.

Daryo.Uz‘нинг ёзишича, Facebook фойдаланувчилари Муқимий кўчасининг бир қатнов томонидаги ҳаракатланиш бўлаклари сони еттитагача кўпайганига алоҳида эътибор қаратган. Қайд этиш жоиз, бўлаклар сони чорраҳа яқинида еттитага етади, бунгача ундаги бўлаклар сони 4—5 тани ташкил этади.