Тошкентдаги йўл ҳаракати хавфсизлиги автомобилларига регистраторлар ўрнатилади

Тошкентдаги йўл ҳаракати хавфсизлиги автомобилларига регистраторлар ўрнатилади

Йил охирига қадар Тошкент шаҳар Йўл ҳаракати хавфсизлиги бошқармасининг барча автомобилларига замонавий фото ва видеорегистраторлар ўрнатилади. Бу ҳақда Тошкент шаҳар ИИББ бошлиғи ўринбосари, ЙҲХБ бошлиғи полковник Б.Маменовга таяниб uznews.uz хабар қилди.

Унинг айтишича, мазкур қурилмалар ЙҲХ инспекторларига тўхтатилган автотранспорт ҳайдовчиларини суратга ва видеотасвирга олиш имконини беради.

Видео, фото ва овоз ёзиш ускуналаридан фойдаланиш инспектор ва ҳайдовчи ўртасида баҳсли вазиятлар келиб чиқишининг олдини олади.

Қайд этиш жоиз, кейинги вақтда ҳайдовчилар ЙҲХБ ходимларини баённомаларни мажбурий равишда ёки нотўғри тузишда айблаган ҳолатлар кўп учрамоқда.

Фото, видео ёки аудиоёзувлар инспекторлар томонидан суд жараёнида тақдим этилади.

Carzone.uz сайтининг видеолари: Youtube'даги каналимизда!

Саид Мамуров

Carzone.uz'нинг сермаҳсул ёзувчиларидан. Ўзи ҳақида гапиришни ёқтирмайди. Ҳаваскор, лекин ашаддий автомобиль ишқибози.