Тошкентдан Термизга электрли поездда

20 мартдан бошлаб Тошкент-Қарши электропоездининг йўналиши Термизгача узайтирилди.

“Йўловчиларга, сайёҳларга янада қулайлик яратиш мақсадида жорий йил 20 мартдан бошлаб, ҳозиргача “Тошкент–Қарши-Тошкент” йўналишида ҳаракатланаётган 4/3 сонли электропоезди “Тошкент-Термез-Тошкент” йўналишида йўловчиларга хизмат кўрсатишни бошлади. Мазкур электропоезд ҳафтада 6 кун, яъни сешанба кунидан бошқа барча кунларда ҳаракатини амалга оширади. Тошкентдан соат 08:50 жўнайдиган 4-сонли электропоезд, соат 20:16 да Термиз вокзалига, Термиздан соат 06:50да жўнайдиган 3-сонли электропоезд эса, соат 18:44 да Тошкент вокзалига кириб келади”, деб ёзмоқда “Ўзбекистон темир йўллари”нинг матбуот хизмати.