Тошкентнинг 2, 38 ва 72-йўналишдаги автобусларида Wi-Fi ишга тушди

Тошкентнинг 2, 38 ва 72-йўналишдаги автобусларида Wi-Fi ишга тушди

Тошкент шаҳридаги 2, 38 ва 72-йўналишдаги автобусларда Wi-Fi Bus лойиҳаси доирасида Wi-Fi ишга тушди. Бу ҳақда UZINFOCOM маркази «Дарё»га маълум қилди.

«Тошшаҳартрансхизмат» компанияси йил давомида 50 та автобусни Wi-Fi ускуналари билан жиҳозлашни режалаштирган. Лойиҳа UzMobile компанияси билан ҳамкорликда амалга оширилмоқда.

Қайд этишларича, эшикларида Wi-Fi Bus белгиси бўлган автобусларда йўловчилар «Ziyonet.uz» миллий таълимий-кўнгилочар портали хизматлардан фойдаланиши мумкин.

Тошкент автобусларида ZiyoNET тармоғига уланиш қуйидагича амалга оширилади:

  • Абонент 9432 қисқа рақамига (UZMOBILE абонентлари учун) ёки (+998-95) 146-94-34 (бошқа операторларнинг абонентлари учун) рақамига SMS-хабар юбориши керак;
  • «UZMOBILE — Wi-Fi Bus» номли тармоқ қидириб топилади;
  • Пайдо бўлган янги ойнанинг тегишли майдонларига телефон рақами (кириш) ва SMS орқали олинган парол киритилади.
Carzone.uz сайтининг видеолари: Youtube'даги каналимизда!

Саид Мамуров

Carzone.uz'нинг сермаҳсул ёзувчиларидан. Ўзи ҳақида гапиришни ёқтирмайди. Ҳаваскор, лекин ашаддий автомобиль ишқибози.