Toyota — автомобиль бозорида яна етакчи

Toyota компанияси Volkswagen концернини ортда қолдириб автомобиль савдосида биринчи ўринга чиқиб олди. 2015 йилнинг ўтган даврида Toyota 7,49 млн автомобиль сотган бўлса, бу кўрсаткич немис концернида 7,43 млн. Аммо VW йилнинг биринчи ярмида автомобилфурушликда олдинда эди.

Volkswagen дизель двигателлари билан боғлиқ машмашадан сўнг обрўсига путур етиб, савдоси сустлашган. Двигатель ишлаб чиқарган чиқинди газлар миқдори ўрнатилган меъёрдан бир неча баробар ортиқ бўлган, аммо машинанинг дастурий таъминотида бу камайтириб кўрсатилган. Можаро чиққач, компания дизель автомобиллари савдосини тўхтатган, Шимолий Америкага жўнатилган ярим млн носоз машиналарини ортига қайтарган эди.