Украиналик инженер ёғочдан ясалган автомобилини сотмоқда

Украинанинг Черновци шаҳрида яшовчи инженер Василий Лазаренко бу ғаройиб автомобилни ўз қўли билан ясаган. Ёғоч автомобилни ясаш учун у ўз касбини йиғиштирган ва иккита машинасини сотган, аммо эришган натижаси ҳеч кимни бефарқ қолдирмайди. Бир ярим йил давомида инженер ёғоч кузов лойиҳасини тузди ва ясади. У икки давр машинасининг қиёфасини ўзида мужассамлаштирган. “Ёғочмобил”га 1981 йилда ишлаб чиқарилган Opel Ascona донорлик қилди.

Нодир машина ясаган Лазаренкони журналистлар қуршаб олди ва “украин Карло отаси” деб ном беришди. Машинанинг чап қисми купе, ўнги эса 1930 йилларнинг кабриолети қиёфасидадир. Дизайни ва эклектик кузовини узоқ томоша қилиш мумкин. Фараси Audi A4, фонари Mercedes-Benz русумларига хос. Ўнг тарафидаги бампери диваннинг тирсакқўйгичига ўхшайди

Тўқ зангори рангдаги чармли салонига ҳам ёғочни аямасдан сарфланган. Василий уста эман ёғочидан ишланган кузов ёнғинни писанд қилмаслигини айтди, чунки ёғоч таркибида ўтдан ҳимояловчи модда бор.

Қўлбола автомобиль “Опел” сифатида сотувга қўйилди. Нархи 50 минг доллар. Эксклюзив автомобиль учун бу унча қиммат нарх эмас.