Видео: “Лада”дан ясалган танкни кўрганмисиз?
Омсклик ҳаваскор ихтирочи биз билган “ноль тўққиз”га гусеница қадаб бинойидек танкка айлантирди. Резинадан ясалган занжирини ҳаракатлантирувчи ғалтаклари ўрнида машина ғилдираклари жойлашган. “Т-2109” номини олган янги тўқ қизил “танк” 65 км/соатгача тезлигини чиқара олади. 100 км йўлга 16 литр бензин сарфлайди.
Тўғри, топқир ихтирочи Андрей Романов жангга шайланаётгани йўқ, совуқ маҳаллада яшагани учун бор-йўғи йўлда сирпанмаслик тараддудини кўрмоқда. Қўни-қўшниларининг музда юролмай қолган машинасини тортиб ёрдам беряпти. Томоша қилинг.