Владимир Путиннинг автомобили сотилмоқда

Россия Федерацияси президентининг гаражидан чиққан Mercedes-Benz Pullman W220 S600 автомобилининг баҳоси 8,5 млн рубль деб эълон қилинди.

Pullman брендининг энг биринчи лимузинлари мисли кўрилмаган комфорти туфайли “ўзиюрар сарой” номини олган. РФ президентининг хос автомобили 2003 йилда конвейердан тушган. Олти литрли двигателининг қуввати 400 от кучига тенг. Ғилдираги, ойналари ва кузови зирҳланган бўлиб, Калашников автоматининг ўқи ўтмайди.

Олиймақом автомобилни олдинроқ пулдорлардан бири сотиб олган ва энди сотишга қарор қилган.