Volkswagen Tiguan Германиянинг энг машҳур кроссовери

Немис ҳамкасбларимиз ўтказган тадқиқотга кўра, 2016 йилнинг январи якунларига бўйича Фолксвегеннинг Tiguan русуми Германиянинг энг оммалашган кроссовери деб топилган.

Кириб келган йилнинг биринчи ойида ГФРда 4 минг 426 дона VW Тигуан паркетниги сотилган бўлиб, ўтган йилги натижадан 3,7 фоизга ошади. Шу билан бирга, Тигуан немисларнинг энг севимли автомобиллари рўйхатида еттинчи ўринни банд қилган.

SUV сегментидаги энг машҳур автомобилларнинг иккинчиси Audi Q3 бўлиб чиқди. Q3 январда 2 минг 586 дона сотилган, ўтган йилнинг айни муддатига нисбатан 33,2 фоизли ўсиш қайд этилди. Энг машҳур учинчи кроссовер эса Mercedes-Benz GLC. У январь ойида 1 минг 973 нусха сотилган.

Энг машҳур SUV сегменти вакиллари сафида Ford Kuga ва Nissan Qashqai ҳам бор. Кейинги қаторларни BMW X1, Opel Mokka, Audi Q5, Audi Q7 ва Mazda CX-5 кроссоверлари банд қилган.