Хитой автосалонининг энг антиқа ва замонавий автомобиллари

Пекин автосалони – алоҳида бир олам. Кўргазмада иштирок этган киши ажабтовур машиналар билан бир қаторда ғалати нусхаларни учратиши мумкин.

Ўзига хос автомобиллар кўргазмада оз эмас. Бироқ машҳур русумларга ўхшатиб ишланган машиналарнинг олдидан одам узилмайди. Хитойликларнинг одати шундай: муайян кўринишга эга автомобиль одамларга ёқдими, унда шуни уларга тақдим этиш керак.

BJ40

BJ80

BJ маркаси, айтиб ўтганимиздай, Mercedes-Benz G-синф ва Американинг Jeep автомобилидан кўчирилган русумдир. Тўғри, хромланган ойна сингари майда-чуйда элементлар қўшилган. Hawtai кроссовери эса бир неча йил аввал чиқарилган Hyundai Santa-Feнинг такрори демасак, Жанубий Кореяликлар ранжийди.

Hawtai C9

Бу эса Ranz RF-EA1 русуми. Импровизация аташингиз мумкин.

Ranz RF-EA1

Хитойнинг айрим автомобилсозлик компаниялари асл нусхани сезилмай қолгунча ўзгартиришни маъқул кўришади. Бунга Иккинчи жаҳон уруши йиллари машинаси G-Pattonни мисол келтирамиз. Ваҳимали қиёфасига қарамасдан зирҳи йўқ.

G-Patton

Бу эса OED Powertrain компанияси логотипидир. Таниш-а?

Осмоности мамлакатининг Hongqi маркаси давлат раҳбарияти учун автомобиль ишлаб чиқаради. Hongqi “қизил байроқ” маъносини билдиради. Олий рутбали амалдорлар юрадиган Hongqi маркасининг уч русуми кўргазмада намойиш этилди: L5, L7 ва L9.

Hongqi

Hongqi ретро услубни эслатса, Roewe Vision-R келажакни ёдга солади. Хитой спорткари дизайни, умуман олганда, ёмон эмас. Унинг асосида Buick LaCrosse платформаси ётибди.

Roewe Vision-R

Хитойнинг манаман деган маркаларидан яна бири Chery FV2030 нишона нусхасини тақдим этди. Дизайнерлар айтишича, келажак кроссоверлари шундай қиёфали ва автоном бошқарувли бўлар экан.

Chery FV2030

Кўргазмадан терган автомобилларимиз сафини хитойликлар Aston Martin билан ҳамкорликда ясаган LeSEE автоном автомобили якунлайди. Машина биринчи навбатда Tesla Model S билан рақобатга киришиш мақсадида ясалган. Улар бу ҳақда айтиб ўтди, қолаверса, мусобақалашишга хитойликларнинг салоҳияти ҳам етарли.

LeSEE