Хитойда Chery Arrizo 5 седанининг намойиши бўлиб ўтди
Arrizo 5 намойиши Гуанчжоудаги моторшоу доирасида бўлиб ўтди. Янги моделнинг узунлиги 4572 мм, кенглиги – 1825 мм, баландлиги – 1482 мм, ғилдираклар базаси – 2670 мм.ни ташкил этади.
Хитойда 2016 йилнинг биринчи ярмида савдога чиқарилиши режалаштирилган седан 5 босқичли “механик” ёки вариаторли тезлик узатмалар қутиси билан ҳаракатланадиган 1,5 литр ҳажм, 116 от кучига эга бензинли мотор билан таъминланади. Кейинроқ эса Chery Arrizo 5 1,2 ва 1,5 литр ҳажм ҳамда мос равишда 132 ва 145 от кучига эга турбомотор билан ҳам таъминланиши мумкин.
Тахминларга кўра, моделнинг базавий намунаси хитойлик харидорларга 60 минг юань (тахминан 9400 доллар)га тушади.