Хоразм автокорхонаси: “Damas”, “Orlando” ва “Labo”

Хоразм “GM Uzbekistan” АЖ 2015 йилнинг январидан сентябригача 20 минг 667та Дамас, 1 минг 315та Орландо ва 356та Лабо автомобилларини ишлаб чиқарган. Хоразм вилоятида 9 ойнинг ижтимоий-иқтисодий ривожланиши якунлари муҳокамасида бу ҳақда эслаб ўтилди.

“Хоразм автомобиль ишлаб чиқариш бирлашмаси” қошида бунёд этилган 10та янги корхонада Дамас автомобили учун  ўриндиқлар, ўртача ва майда деталлар, бамперлар ва штампланган деталлар ишлаб чиқариш йўлга қўйилди”, дейилади вилоят маъмурияти хабарида.

Аввалроқ GM Uzbekistan 2015 йилнинг 27 июлидан бошлаб Chevrolet Labo автомобилини серияли ишлаб чиқаришни бошлагани хабар қилинган эди. Лойиҳанинг умумий қиймати 5,9 млн доллар. Завод йилига 5 минг Chevrolet Labo ишлаб чиқара олиш қувватига эга.