Янги авлод Honda Freed компактвэни савдога чиқди

Honda Motor Corporationнинг расмий дилерлари Японияда Honda Freed компактвэнининг янги авлодини сота бошлади.

Honda Freed 2017 оилавий автомобиль бўлиб замонавий экстерьер ва дизайнга эга. Хондачилар янги версия эскисига қараганда кенгроқ ишланганини айтишяпти.

Honda Freedнинг 6, 6 ва 7 ўриндиқли турлари бор. Иккинчи ва учинчи қатор ўриндиқлари сурилади. Салони 16 хил тусдадир. Бундан ташқари Honda Freed+ версияси ҳам бўлиб, у поли пастлиги билан ажралиб туради.

Компактвэннинг 1,5 литрли, бензин моторли ва гибрид двигателли версиялари мавжуд. Гибрид мотор 7 поғонали автомат қутига эга.

Янги “Хонда Фрид”га махсус хавфсизлик жиҳозлари ўрнатилган бўлиб, унинг таркибига пиёдани аниқлаш, йўл белгиларини “таниш”, олд тўқнашувларни бартараф қилиш тизими ҳамда мослашувчан яккатезлик киради.

Автомобиль баҳоси кунчиқар мамлакатда 1 880 000 йен туради. Бу тахминан 17500 долларга тенг.