Янги Chevrolet Cruze хэтчбекка айланди

Ўтган йилнинг ёзида намойиш этилган янги авлод Chevrolet Cruze седани савдога чиқади. Нархи 16120 доллар. Унинг ортидан Детройтда янги хэтчбек тақдимоти ўтказилиш арафасида. Бу Америка учун сўнгги 25 йил ичида биринчи гольф-класс хэтчбекидир.

Cruze хэтчбеки асосида юқорида айтиб ўтилган седан ётади. Шасси, ғилдираклар базаси (2700 мм) ва тортувчиси (передок) ўзгаришсиз қолган, фақат кузовнинг орқа қисми ўзгарган. Юкхонаси кичкина, 524 литр ҳажмда.

1,4 литр ҳажмли турбодвигатели 153 от кучига эга. Узатмалар қутиси олти поғонали механик ёки одатдаги автоматик қути.

Ҳозирги кунда мультимедиа тизимисиз замонавий автомобилни тасаввур қилиш қийин. Cruze ҳам Apple CarPlay ва Android Auto тизимлари билан ишловчи мультимедиа қурилмасига эга. Салонда саккиз дюймли сенсор экран жойлашган.

Орқа ўриндиқдаги йўловчилар ёнбошида хавфсизлик ёстиқчалари ўрнатилган. Рул ва орқа ўриндиқлар иситилади. Орқани кўриш камераси бор. Телефонни симсиз зарядлаш функцияси мавжуд. Шунингдек, эҳтимолий тўқнашувдан огоҳлантириш хусусияти бор.

Седандан фарқли равишда хэтчбекимизнинг L ва LS оддий комплектациялари бўлмайди.

Янги Cruze хэтчбеки АҚШдан ташқари Корея ва Австралия бозорларига ҳам чиқарилади.