Янги Land Rover Defender ишлаб чиқарилиши бир йилга ортга сурилди

Land Rover компанияси Defender йўлтанламасини ишлаб чиқаришни 2019 йилдан кейинроққа сурди. Бу ҳақда Autocar нашри компаниядаги ахборот манбасига таяниб хабар қилди.

68 йил давомида ишлаб чиқарилган асл Land Rover Defender эса 2016 йилнинг январь ойи сўнгида конвейердан тўлиқ олиб ташланди.

Кейинги авлод модели алюмин платформа асосида бунёд этилиб, кўплаб эҳтиёт қисмларини Jaguar Land Rover (JLR) альянсининг ҳозирдаги автомобиллари билан улашади. Британлар “Дефендер”ни уч эшикка эга очиқ ва ёпиқ кузовли, пикап ва беш эшик, уч қатор ўриндиқли талқинларни ўз ичига олган тўлиқ оилавий автомобилга айлантиришни режалаштирган.

Янги йўлтанламас двигателлари сафидан эга икки литрли бензин ва дизелли моторлар, шунингдек, уч литрли V6 агрегати ўрин олади. Сўнгиси наддув(босими атмосфераникидан юқори бўлган ҳаводан озиқланадиган)сиз бўлиб, механик нагнетатель (ички ёниш двигателларида: цилиндрга келадиган ҳавони олдиндан сиқиб берувчи компрессор) билан таъминланган. Бундан ташқари, мазкур оилага мансуб талқинлар модификация қилиниб, оғир йўлтанламасларга ҳам айланиши мумкин.

Кейинги авлод Defender`ларни йиғиш ишлари JLR альянсининг Словакиядаги заводида амалга оширилади. Унинг қурилиши учун эса британлар 1,5 миллиард доллар сарфлашмоқда.