Янги McLaren суперкарининг асбоблар панели тахланувчи бўлади

McLaren 650S русумининг ўрнига ишлаб чиқарадиган янги суперкарининг тахланувчи панелини кўрсатди. У икки дисплейдан иборат: каттасида автомобилнинг иши тўғрисидаги барча ахборот акс этади, кичигида эса қисқа маълумот кўринади.

Электрон асбоблар панелининг иш фаолияти танланган режимга қараб ўзгаради. Стандарт ҳолатда фаол катта экранда сафарга доир ёнилғи сарфи, тезлик, танланган узатма, қолган ёнилғи, одометр ва борт компютери узатган бошқа ахборотлар акс этади.

Трек режимида (бу махсус тугмани босиш орқали амалга оширилади) катта дисплей автоматик равишда ўзгаради ва кичик экран фаоллашади. “Макларен”чилар трек вариантида ҳаракатланганда кичик дисплейдан фойдаланишни уқтирмоқда, чунки тор экранда ортиқча маълумот акс этмайди.

Суперкар монококи карбондан ишланган. Тўрт литрли двигателининг қуввати 720 от кучига тенг. Шассиси мослашувчан, электроника дрифт-режимни созлайди. 200 км/соат тезликка эришиши учун суперкарга атиги 7,8 сония зарур. Бу тезликдан таққа тўхташи учун эса 4,6 сония етарли.