Янги Opel Astra АҚШ йўлларида синовдан ўтмоқда

Янги русум АҚШда синалаётгани кўплаб автомобиль экспертлари учун кутилмаган ҳол бўлди. Гап шундаки, Opel Astra океан ортида эмас, Европада машҳур эди. Буюк Британия бозорида Vauxhall бренди остида сотилар, Австралияда Holden, Хитойда эса Buick номи остида танилган эди.

Аммо Opel бренди АҚШда ҳали тақдим этилмаган. Синов уммон ортида ўтказилаётгани концерн АҚШ бозорига кирмоқчилигидан далолат беради. Ёки немис автомобилсозлари европача версиясини Шимолий Американинг ўхшаш шарт-шароитида синаётган бўлиши мумкин.