Янги Renault Scenic автомобилининг илк сурати кўрсатилди

Женевадаги автосалон очилишига бир ҳафтадан кам муддат қолди. Аммо Renault компанияси кутмасдан Scenic суратини ҳавола этишни маъқул топди.

Ҳозирча, салон расми йўқ. Техник хусусиятлари ҳам кўргазма очилгач, маълум қилинади. Машина ишқибозлари Scenic барча яхши жиҳатларини — салоннинг кенг-мўллиги, қулайлигини сақлаб қолганига умид қилишмоқда.

Scenicнинг энг биринчи авлоди 1996 йилда ишлаб чиқарилган. 1997 йилда Европада “Йил автомобили” даражасини олган.