Японияда автомобиль йўли 15 метрга ўпирилиб кетди

Япониянинг Фукуока порт шаҳрининг марказида йўлнинг 30 метрли қисми чуқур ўпирилиб кетди.

Ўпирилиш натижасида чуқурлиги 15, узунлиги 30 ва кенглиги 7 м бўлган ўра ҳосил бўлди. Бундай ўрани фалокат воқеалари тасвирланган фильмларда кўргансиз. Аммо Фукуока ҳукумати саросимага тушмади. Ҳар эҳтимолга қарши теваракдаги аҳоли кўчирилди, чунки газ сизиб чиқиш хавфи юқори. Йўл эса тобора чўкиб бормоқда.