Японияда янги Bugatti Chiron гиперкарининг дебюти бўлиб ўтди

Bugatti Chiron бу Bugatti Veyron ўрнига келган гиперкар саналиб, унинг қадами кунчиқар мамлакатгача етди. Bugatti азалдан японларнинг автобозорига диққатини қаратиб келади. Чунки 10 йил давомида японлар 10 дона Veyron сотиб олган. Шу холосми, деб ажабланманг. Ҳаммаси бўлиб дунё бўйича 450 дона Veyron сотилганини ҳисобга олсак, бу арзигулик кўрсаткичдир.

Хабар қилишларича, Bugatti Chironга олиндан берилган буюртмалар Veyronникидан ошиб кетган.

Эслатиб ўтамиз: Bugatti Chiron гиперкари шу йилнинг мартида тақдим этилган. Бир ярим минг от кучига эга автомобиль 2,5 сониядаёқ юз тезликка эришади. Тақдим этилган куни жами 500 нусхада чиқарилиши ва нархи солиқларни ҳисобга олмаганда 2,4 миллион еврони ташкил этиши айтилган.