“Яшил қитъа”да “яшил” автомобиллар учун суперйўл қурилади

Электрга ҳаракатланувчи машиналар учун мўлжалланган трассанинг умумий узунлиги 1800 кмга яқинроқ, деб ёзмоқда Reuters. Йўлнинг афзаллиги шундаки, унинг бошидан охиригача бепул зарядлаш станциялари жойлаштирилади. Ҳукумат шу йўл орқали электрли транспортни оммалаштиришни режа қилган.

Шу ўринда Австралия “яшил” автомобиллар кўп сотиладиган мамлакатлар сирасига кирмаслигини эслатиб ўтамиз. 2016 йилда мамлакат бўйича бор-йўғи 140тача электромобиль сотилган. Ҳукумат 2020 йилда бу сонни 12 мингтага чиқармоқчи.

Ҳозирги кунда муқобил энергияга ҳаракатланувчи транспорт сони бўйича жаҳонда Хитой йўлбошчилигини эслатиб ўтиш керак. Осмон ости мамлакатида 1 018 000 “яшил” машина бўлиб, уларнинг 800 мингтаси электромобиль бўлса, 200 минги гибридларга тўғри келади.