Zotye немис автомобилидан нусха кўчирди

Zotye компанияси SR8 номли янги кроссоверининг фотосуратларини расман тақдим этди.

Осмон ости мамлакати автомобилсозлари таниқли брендлардан тортинмасдан нусха кўчириши ажабланарли ҳол эмас. SR8 кроссоверининг дизайни немисларнинг Porsche Macan авторусуми билан деярли бир хил. Шундай бўлса-да, “Зотйе”нинг янги кроссоверига оид айрим маълумотлар бор.

Конвейерга боргунга қадар кроссовер номи Zotye T700 бўлса, ҳозир SR8 деб ном олди. Хитойча “Макан”га 1,5 литрли (150 от кучи) ва 2 литрли (190 от кучи) турбомотор ўрнатилади. Моторлар Shenyang-Mitsubishi қўшма корхонасида ясалган. Беш поғонали механик ва олти поғонали автоматик қутилар билан ишлайди.

Машинанинг динамик кўрсаткичлари келтирилмаган бўлса-да, немис машинасидан анча орқада эканлиги маълум. Аммо қиёфаси Ҳасан-Ҳусан каби ўхшаш. Нафақат ташқи кўриниши, балки салони, рули, ускуналар панелигача “тикка кўчирилган”. Porsche плагиатда айблашидан Zotye чўчимайди, чунки бундан аввал Audi Q3 (Zotye SR7), Volkswagen Tiguan (Damai X5) и Audi Q5 (Zotye T600) автомобилларидан бемалол нусха олиб, сувдан қуруқ чиққан.

Шубҳасиз, Zotye SR8нинг устунлиги нархида бўлади. Хитойда унинг баҳоси 88800-99900 юан, яъни 13300-15000 АҚШ доллари. Асл Porsche Macan эса 558000 юан (тахминан 83 минг доллар) туради.

Оригинал Porsche Macan