Daihatsu қандай автомобил? Кей-кар-чи?

Mira номли автомобилни кўпчилигимиз эшитмаганмиз. Японияда эса Daihatsu номини мактаб ўқувчиларигача билишади. Mira бу Daihatsu автомобиль компанияси ишлаб чиқарадиган машина моделидир. Бу кей-кар 35 йилдан бери ишлаб чиқарилади.

Кей-кар бу енгил автомобиль тури бўлиб, солиқ ва суғуртанинг қатъий шартлари асосида кичик ва тежамкор қилиб ишлаб чиқарилади. Кунчиқар юртнинг чекка ҳудудларида бу автомобилча бир қатор имтиёзларга эга. 1990 йилда ўрнатилган меъёрлар бўйича узунлиги 3,4 мдан, кенглиги 1,48 мдан, баландлиги 2 мдан, двигатель ҳажми 0,66 лдан, қуввати эса 63 о.к.дан юқори бўлмаслиги керак.

D-Base концепти Миранинг келаси генерациялари ҳақида тасаввур беради. Шаклан  Chevrolet Sparkка ўхшайди. D-Base бошқа кей-карлар сингари ихчамгина: узунлиги -3,4 м, кенглиги – 1,48 м, баландлиги 1,5 мдан ошмайди. Гарчи анъанавий ўлчамда бўлса-да, дизайни устида астойдил ишлашган. Чет қирралари ва қовурғаси, ғилдирак аркасининг қавариқлиги, орқа эшиклари очқичлари аввалги версиясига ўхшамайди.

0,66 литрли моторча ўрнатган японлар машина динамикасига эмас, тежамкорлигига урғу берганлари аён. D-Base 100 кмга 3 литрча ёнилғи сарфлайди. Рекуператив энергия тизимига эгалиги машинанинг ютуғидир. Салон эса ортиқча ашёлардан холи этиб жиҳозланган