Электромобиллар сотилиши бўйича Хитой барчадан олдинда

Ўтган йилнинг ҳисоб-китобларига кўра осмоности мамлакати сотилган электромобиллар сони бўйича дунёда биринчи ўринда. ХХР фан ва технологиялар вазири матбуот учрашувида мазкур маълумотни келтирди.

Вазирнинг айтишига кўра, ҳозирги кунда Хитойда 497 минг электромобиль қайддан ўтган. Уларнинг 370 минги фақат 2015 йилнинг ўзида сотилганлиги бу соҳанинг истиқболли эканини кўрсатиб турибди. Вазир ҳозирда Хитой электромобиллар сони бўйича давлатлар орасида етакчилигини ва келажакда бу тенденция мустаҳкамлана боришини айтиб ўтди.

Хитой ҳукумати электрокарларни қувватлантиришнинг ягона тармоғини барпо этиш режасини ишлаб чиқмоқда. 2020 йилга бориб бу тармоқдан бир вақтнинг ўзида беш миллион траспорт воситаси фойдалана олади. Яқинда тасдиқдан ўтган қонун лойиҳасига кўра ҳар бир зарядлаш шохобчасида икки мингга яқин электромобилга хизмат кўрсатилади.

Маълумот учун: 2015 йилда АҚШда 180 минг электромобиль сотилган.